Mauratan sun cika shekara 10 da yin aure wanda Allah ya albarkace su da yara uku mata
Shahararren mai bada umarni a dandanlin masana'antar fim ta Kannywood, Hassan Giggs, yana murnar cika shekara 10 auren sa matar sa kuma tsohuwar jarumar fim, Muhibbat Abdulsalam.
Direktan yana daya daga cikin manyan masu bada umarni a kannywood haka zalika matar tana cikin jarumai mata da suka raya dandalin nishadi tun shekarun baya.
Don raya zagayowar ranar auren su » , mauratan sun wallafa hotunan su tare da yaran su a shafukan su na kafafen sada zumunta tare da yi ma Allah godiya bisa yadda kaunar su ya cigaba da daurewa.
Ga sakon da Hassan Giggs ya rubuta bayan wallafa hoton su kamar haka; "Kyauta mafi soyuwa da zaka baiwa yaran ka shine ka so mahaifiyar su. Shekara 10 ba wasa ba, komai sai da yaddar Allah. Alhamdulillah yau mun cika shekarar goma da yin aure ."
Ita ma matar sa bata yi jinkiri ba wajen rubuta sako mai inganta kauna. Tayi ma mijinta kirari.
"Alhamdulillah yau aure mu ya cike shekaru goma. @hassan_giggs » Abul Banat, uban 'yan mata, ni kuma Umul Banat Uwar 'yan mata. Dukkan yabo ya da godiya sun tabbata ga mahallici na subuhanahu wata'ala da ya kawo ni wanna rana a gidan mujina, Allah yasa in gama rayuwa ta a gidan muji na, Allah ka albarkaci zuri'a ta da na sauran muslumai gaba daya, Allah ka cigaba da bamu zaman lafiya da hakurin zama da juna har abada amin bi jahi rasulillah", Ta rubuta a shafin ta.
Albarkacin auren su Allah ya basu yara uku mata,
Humaira, Azeema da Khadijah .
0 comments: