Allah ya tona asirin wasu yan yankan kai bayan sun zubar da kayan cikin mutum (Hotuna)

Rundunar Yansandan jihar Legas ta gano wani gida inda ake zargin ana gudanar da ayyukan yankan kai a cikin ta bayan ganin wasu kayan cikin mutum a a wata kwata unguwar Ile Zik dake kan hanyar Legas zuwa Abekuta.

Jama’an wannan unguwa ne suka tsegunta ma jami’an yansanda, wanda suka garzaya wannan gida, inda suka tabbatar da wannan lamari, har ma suka kama wani mutumi a gidan, wanda da an san shi mahaukaci ne, amma sai ga shi an same shi da wata katuwar wayar IPhone.

AREWARMU.com ta ruwaito ganin jami’an Yansanda ke da wuya, sai wannan mai karyar haukan ya shige wani rami, inda yansanda suka harba mai barkonon tsohuwa, da haka ya fito, ya kawo kansa gaban yansandan.

SHARE THIS