Wani mutum mai shekaru 45 ya yi wa yaro mai shekaru 9 fyaden da ya zama ajalinsa

Rundunar ‘yan sandan jihar Kebbi ta yi ram da wani mutumi mai shekaru 45 da aka ambata da suna Dantani a bisa zargin aikata fyade ga wani yaro mai shekaru 9 wanda ya yi sanadiyar mutuwarsa.

Al’amarin ya afku ne a garin Zauro dake jihar ta Kebbi.

Kwamishinan yan sanda na jihar, Ibrahim M. Kabiru, ne ya sanar da hakan a wani taron manema labarai a jiya, Alhamis 10 ga watan Agusta.

A cewar sa sun damke mutumin ne bayan sun samu labarin cewa ya yi luwadi da wani yaro, mai suna Ibrahim Muhammad Dangi dan shekara 9 a dumiya, wanda hakan ya haddasa mutuwar shi.

Kwamishinan ya ce za su gurfanar da shi a gaban kotu a bisa tuhumar kisa.

A gefe guda, Kwamishinan ya ce sun kuma kama wasu maza biyu Ibrahim da Yohana a bisa zargin yi wa yara mata masu shekaru 10 da 12 fyade.

SHARE THIS