Kasar Afrika ta kudu ta kara kudin albashin ma’aikata mafi karanci zuwa N126,480 a wata, Wannan labara na zuwa ne yayinda ake cigaba da kai ruwa rana kan mafi karancin albashi a Najeriya N30,000.
Shugaban kasar Afrika ta kudu, Cyril Ramaphosa, ya bayyana cewa za’a fara biyan wannan sabon albashi daga ranan 1 ga watan Junairu, 2019, kuma ma’aikata miliyan shida ne zasu amfana.
Gabanin wannan kari, ma’aikatan kasar South Africa sun kasance suna karban N97,49 matsayin kudi mafi karanci.
Kudin South Africa Rand 1 daidai ne da N26.35 a kudin Najeriya. Wannan na nuna cewa ma’aikatan kasar Afrika zasu dinga karabn N4,216 a kowace rana sabanin yan Najeriya da har yanzu babu tabbacin zasu samu N1000 a rana.
Kungiyar gwamnonin Najeriya karkashin jagorancin gwamnan jihar Zamfara, Abdulaziz Yari, ya bayyana cewa N30,000 yayi yawa kuma ba zasu iya biya ba. Amma idan aka tilastasu su biya, sai dais u kori ma’aikata.
Shugaban kungiyar kwadagon Najeriya NLC, Ayuba Wabba, ya bayyana cewa kungiyar zata zauna ba dadewa ba domin baiwa gwamnati daman karshe da zata game shawararta.
0 comments: