Jami’an tsaro sun bazama a garin Kano don tabbatar da tsaro A bikin Sallar yau

Rundunar Yansandan jahar Kano ta sanar da cewa ta zuba wadataccen adadin jami’anta a cikin garin Kano domin tabbatar da ganin an gudanar da shagulgulan karamar Sallah cikin lumana, zaman lafiya da kwanciyar hankali.

DSP Abdullahi Haruna ne ya bayyana haka yayin da yake ganawa da manema labaru a ranar Litinin, 3 ga watan Yuni a babban ofishin rundunar Yansandan jahar.

A jawabinsa, kaakaki Haruna ya bayyana cewa baya ga jami’an Yansanda da zasu bada tsaro, rundunar ta hada kai da hukumar kare haddura ta kasa, FRSC, hukumar tsaron farin kaya, NSDC, hukumar kula da dokar hanya ta Kano, KAROTA, da hukumar Hisbah don tabbatar da zirga zirga ababen hawa cikin sauki.

“Mun tanadi tsare tsaren tsaro a filayen sallar Idi, don haka muke kira ga masallata da su guji daukan abinda basu bukata zuwa filin sallar Idi, musamman duk wani abu da zai kawo fargaba ko tsoratarwa ga jama’a.”Inji shi.

Haka zalika kaakakin ya nemi jama’a masu halartar wuraren wasanni da wuraren shakatawa a yayin shagulgulan sallah dasu tabbata sun kasance masu lura da duk wani abu dake wakana a inda suke don kare kansu da dukiyoyinsu daga miyagu.

Daga karshe kaakakin Yansandan yayi kira ga jama’a dasu baiwa hukumomin tsaro hadin kai wajen gudanar da aikinsu, ta yadda zasu samar da ingantaccen yanayi don gudanar bukukuwan sallah cikin nishadi.

Continue Reading

Sabon gwamnan Nasarawa ya yi wasu muhimman sabbin nade-nade

Gwamna Abdullahi Sule na jihar Nasararwa ya yi nade-naden a karo na farko bayan darewarsa kan mulki a ranar 29 ga watan Mayun 2019.

Sanarwar nadin mukamen na dauke ne cikin sakon da sakataren harkokin mulki na ofishin sakataren gwamnatin jihar, Abubakar Ishaq ya fitar a ranar Asabar a garin Lafia.

Ishaq ya ce gwamnan ya amince da nadin manyan masu bawa gwamna shawara na musamman guda tara da za su fara aiki daga ranar 1 ga watan Yuni.

Wadanda aka yiwa nadin sun hada da John Mamman, Mai bayar da shawara kan harkokin sarauta; Samuel Egya, Mai bayar da shawara na ofishin gwamna; Yakubu Kwanta, Mai bayar da shawara kan harkokin matasa da kungiyoyi masu zaman kansu; da Murtala Lamus, Mai bayar da shawara kan ayyuka na musamman.

Saura sun hada da Ibrahim Abdullahi, Mai bayar da shawara kan saka hannun jari da tsarin tattalin arziki; James Thomas, Jami'in sadarwa na Abuja; Rakiya Alaku, Mai bayar da shawara kan harkokin mata da bayar da tallafi; Salihu Ogah, Ofishin mataimakin gwamna da Abubakar Zanwa, Mai bayar da shawara kan harkokin shari'a.

Ishaq ya kuma bayyana cewa gwamnan yana son a rika kiransa da Abdullahi A. Sule.

Continue Reading

Hotunan yadda aka rantsar da Shugaba Buhari a dandalin Eagle Square da ke Abuja.

Hotunan yadda aka rantsar da Shugaba Buhari a dandalin Eagle Square da ke Abuja.

Continue Reading

Amfanin Na'a-Na'a Ga Lafiyar Dan Adam

Amfanin Na'a-Na'a Ga Lafiyar Dan Adam

Na'a-na'a [Peppermint/mentha piperita or mint] wata shuka ce mai albarka da ake amfani da ita a matsayin maganin gargajiya. Ganyen na'a-na'a kore ne, kamshin ta nada karfi, tana da kamshi mai dadin gaske da filebo mai sanyaya rai. Na'a-na'a nada sinadarin 'minti' 

( wato 'menthol') mai sanyaya rai da lafiyar jikin dan adam. Akanyi amfani da na'a na'a wajen sarrafa wasu kayan amfanin gida da muke siya na yau da kullum, wato kayan amfani da muke siya a kasuwa kamar irinsu makilin (toothpaste), sabullai (soaps), man-shafawa (creams and vaselines), cingam (chewing gum), sinadarin wanke baki (mouthwash) , magungunan shafawa (ointments), da sauransu , saboda kamshinta da amfaninta ga jikin dan adam.

Bincike ya nuna cewa, shukar na'a-na'a dai ta samune asali ta hanyar auren-shuka , wato auren shuka mai suna 'watermint' da turanci da kuma wata shukar mai suna 'spearmint'. Bincike ya nuna cewa na'a na'a tazo ne daga kasashen turawa da larabawa. Mutanen wadannan kasashen da muka ambata kanyi amfani da ganyen na'a-na'a cikin abinci da kuma wajen shayi, a matsayin ganyen-shayi (tea leaves) haka kuma, akwai man -na'a na'a ( peppermint oil) da ruwanta (peppermint water) a kasuwa domin amfani na daban-daban.

Bincike ya nuna cewa na'a-na'a nada amfani da yawa ga lafiyar dan adam. Wasu daga cikin amfaninta ga jikin mutum sune:

1. Tana magance matsalar bacin-ciki da rashin fitar bahaya maisa tsugunni
a bayi.
(Ayi shayin na'a-na'a ko azuba manta cikin shayi marar madara.)
2. Tana saukake narkewar abinci
3. Maganin tuka
4. Maganin gudawa
5. Maganin mura da tari [da kuma mura mai damun makoshi - wato 'sore throat']
(ayi amfani da man na'a-na'a ko ganyen , a tafasa ganyen ayi shayi marar madara
, haka kuma, za'a iya amfani da man na'a-na'a cikin ruwan zafi, ayi turiri,
a lullube da mayafi).
6. Maganin ciwon-kai ( a shafa manta wajen da kai ke ciwo).
7. Maganin ciwon-jiki ( a shafa manta ga jijiyoyin jiki dake ciwo
ko wajen dake damunka da ciwo, zata sanyaya, insha Allahu).
8. Maganin ciwon-hakori (ayi amfani da man na'a-na'a da auduga,
a diga man ga auduga , sa'annan a lika ga hakori mai ciwon).
9. Maganin kaikayi
10. Korar sauro ( a shafa man na'a-na'a ga jiki -
hannuwa da kafafu , sauro zai gujesu)
11. Kashe tsutsar ciki
12. Taimakawa hanta wajen aiki
13. Rage yawan damuwa
- tana sanyaya rai da hana damuwa
( a tafasa ganyen
na'a-na'a ayi shayi, ko manta a zuba cikin kofin shayi , safe da yamma).
14. Tana taimakawa kwalwa wajen rike karatu da
kaifin fahimta (ayi shayi da ganyen na'a-na'a a rinka sha da zuma).
15. Tana sanya girki yayi kamshi - filebo ( ayi amfani da ganyen wajen girki).
Hakan zai taimaka wajen son cin abincin (appetite), musamman ga wanda
baya son cin abinci.
16. Tana maganin ciwon-ciki , musamman ga mata masu matsalolin al'ada.
17. Da sauransu.

Continue Reading

AMFANIN DABINO A JIKIN DAN ADAM Musamman A watan Ramadan

Dabino na da tsohon tarihin da wasu 'ya'yan bishiyan ba su da shi, ba wai yanzu ba ko tun a da can mutane sukan dauke shi a matsayin abinci, za kuma a iya cewa yana gaban duk wani dan itace, masamman sabo da sukarin da ya tattara a cikinsa, wannan zakin ya shafi busasshe da danye wanda ya nuna. Wata malama mai zurfin ilimi a bangaren kayayyakin abinci a Juddah, wato Prof.

 Waddaha Mohammed na cewa, Cin kwayan dabino guda goma mai nauyin 100g zai iya ba mutum wasu abubuwa na amfani ga lafiya jiki. Haka ma hukumar kula lafiya ta Amurka ta bayar da shawara ga matasa da cewa, wanda ya ke cin dabino zai sami duk abin da ya ke bukata na Magnesium, Manganese, Copper, zai sami kusan abin da yake bukata na rabin sinadaran Potassium da calcium. Ana kimanta zakin sukarin da dabinon ya tattara wajen kashi 78-70 cikin dari na abubuwan da dabinon ya kumsa, kuma wannan sukarin na dabino nan take ya ke narkewa a cikin jini sabanin sauran 'ya'yan bishiya. A nan ne za mu ga hikimar muslunci ta sanya dabino ya zama abin farko da mai azumi zai fara ci,

 wannan don a dawo masa da abubuwan bukatar da ya rasa ne cikin gaggawa, Allah Mai girma ne a dukkan lamarinsa. Ba wannan kadai ba akwai ma 75g na carbohydrate, 63g na sukari, 8g na Dietary fiber, 0.4g na Fat, 2.5g na Protein, 21g na ruwa,0.262 mg na Manganese, 1.32 na minerals. 

 Abin da Prof. Waddaha ta ce shi ne bushasshen dabino ya qumshi: Carbohydrate 79.6%, Fat 2.5%, Water 33%, Minerals 1.32%, Dietary fiber 10%, sai Vitamins A, B1, B2 da C, kamar yadda ya kuma ya kumshi abubuwa da dan dama, a takaice in ka duma dabino shi kadai ya isa ya zama abincin da zai gina jiki in ba don tsoron a yi masa cin koshi ba. Bincike ya nuna cewa dabino ya kumshi sanadaran; Minerals da Calcium, da Protein, da Fat, da Lime, da Coramine, da Dietry fiber, da Phosphor, da da Chlorine, Manganese, da Potassium, da Copper, da Vitamin C, da kuma Magnesium. Da wannan ne za mu gane cewa dabino ya kumshi manya-manyan abubuwa na abinci, wadanda za su gina jiki da jijiya, suma bayyana wa mutum matasantarsa ko da kuwa ya dan kwana biyu, da za a haga dabino da madara tabbas abinci ne mai kyawun gaske, masamman ga wanda yake da matsalar ciki. 

Masana kimiyya na cewa, abubuwan gina jiki da su ke cikin danino na daidai ne da na wani nau'i na nama, ko ribi uku na kifi. Kuma ya kan amfanar da masu cutar fatarar jini, da wasu cututtuka da suka shafi kirji kamar yadda ake kwaba shi a dafa a rika sha daidai gwargwadon yadda aka nunawa mutum. Dabino na amfanar da kananan yara, da matasa, da 'yan wasa, da ma'aikata, da ramammu, da kuma mata masu ciki.

Continue Reading

Sakamakon zabe daga jihohin Kano, Adamawa, Yobe da Borno

Sakamakon zabe daga jihohin Kano, Adamawa, Yobe da Borno

A yayin da a ranar Asabar, 23 ga watan Fabrairun 2019, mai aukuwar ta auku, an gudanar da babban zabe na kujerar shugaba kasa da ta 'yan majalisun tarayya cikin duk wani kwararo, lungu da sako da ke fadin kasar nan.

Bisa ga madogara ta kiyasi da kuma hasashe, tun a yanzu da yawa daga cikin mafi akasarin 'yan takara masu hankoron madafan iko na kujerun mulki a fadin kasar nan, sun fara sanin makomar su ta samun nasara ko kuma akasin haka.

Tun a jiya da yawa daga cikin sakamakon babban zabe na wasu rumfuna da mazabu a fadin kasar nan ya fara bayyana,

Jihar Kano

Karamar hukumar Tudun Wada

APC: 38,865

PDP: 10,707

Karamar hukumar Tsanyawa

APC: 25,823

PDP: 5,399

Karamar hukumar Sumaila

APC: 34,609

PDP: 4,904

Karamar hukumar Gwarzo

APC: 33,581

PDP: 10,638

Karamar hukumar Rano

APC: 23,855

PDP: 7,055

Karamar hukumar Ajingi

APC: 21,458

PDP: 5,267

Karamar hukumar Gezawa

APC: 29,954

PDP: 8,246

Karamar hukumar Bebeji

APC: 26,023

PDP: 8,190

Karamar hukumar Gaya

APC: 25,864

PDP: 6,577

Karamar hukumar Albasu

APC: 19,073

PDP: 6,101

Karamar hukumar Warawa

APC: 19,073

PDP: 6,101

Karamar hukumar Kunci

APC: 20,375

PDP: 4,983

Karamar hukumar Bagwai

APC: 23,375

PDP: 10,584

Karamar hukumar Doguwa

APC:25,454

PDP: 7,031

Karamar hukumar Garko

APC: 22,356

PDP: 2,840

Karamar hukumar Kabo

APC: 29,482

PDP: 8,955

Karamar hukumar Danbatta

APC: 31,850

PDP: 6,947

Karamar hukumar Wudil

APC: 28,755

PDP: 5,108

Karamar hukumar Bichi

APC: 42,714

PDP: 11,050

Karamar hukumar Minjibir

APC: 22,725

PDP: 2,840

Sakamakon zaben kujerar shugaban kasa daga karamar hukumar Gabasawa

APC: 24,420

PDP: 6,130

Karamar hukumar Bagwai

APC: 23,375

PDP: 10,583

A yayin babban zaben kasa da aka gudanar a ranar Asabar, 23 ga watan Fabrairun 2019, mun samu cewa gwamnan jihar Kano, Dakta Abdullahi Umar Ganduje, ya fidda shugaban kasa Muhammadu Buhari kunya yayin da ya tabbatar da nasarar jam'iyyar APC a karamar hukumar Dawakin Tofa.

Jaridar Daily Trust ta ruwaito cewa, kasancewar ta mahaifar sa, Gwamna Ganduje bai yi sake ba wajen tabbatar da nasarar jam'iyyar APC a karamar hukumar Dawakin Tofa inda shugaban kasa Buhari ya yi nasara da kimanin kuri'u 37,147.

 Buhari ya yi nisan gaske gami da zarra ta fuskar samun nasara akan babban abokin adawar sa, dan takarar kujerar shugaban kasa na jam'iyyar PDP, Atiku Abubakar, inda ya samu kuri'u 6,507 kacal a mahaifar gwamna mai ci a jihar Kano.

Sakamakon zaben shugaban kasa daga karamar hukumar Albasu

APC: 26,412

PDP: 10,285

Karamar hukumar Rimin Gado

APC: 17,999

PDP: 12,665

Karamar hukumar Ungogo

APC: 51,842

PDP: 10,475

Karamar hukumar Bunkure

APC: 27,232

PDP: 9,528

Karamar hukumar Tudun Wada

APC: 38,865

PDP: 10,707

Karamar hukumar Tofa

APC: 15,797

PDP: 10,746

Karamar hukumar Kunchi

APC: 21,556

PDP: 4,937

Karamar hukumar Makoda

APC: 24,749

PDP: 3,234

Karamar hukumar Shanono

APC: 24,232

PDP: 8,182

Karamar hukumar Sumaila

PDP: 34,602

APC: 4,904

Karamar hukumar Gwale

Kujerar shugaban Kasa

APC: 50,834

PDP: 12,283

Kujerar Sanata

APC: 40,352

PDP: 21,117

Majalisar Wakilai

APC: 35,276

PDP: 18,997

Kash! Kamar yadda alkalin zaben Mallam Sani Umar ya bayyana a yau Lahadi, Sanatan shiyyar Kano ta Tsakiya ya gaza fidda kan sa kunya a wurin dan takarar kujerar shugaban kasa na jam'iyyar PDP, Atiku Abubakar.

Mallam Umar ya zayyana cewa, Atiku ya lashe kuri'u 13,113 yayin da ya sha babban kayi a hannun shugaban kasa Muhammadu Buhari, dan takara na jam'iyyar APC, wanda ya samu kuri'u 26, 110 a karamar hukumar Madobi da ta kasance mahaifa ga tsohon gwamna Kano, Kwankwaso.

Dan Majalisar mai wakilcin shiyyar kananan hukumomin Kiru da Bebeji, Abdulmumin Jibrin na jam'iyyar APC ya sha kyar, inda ya sake samun nasara da kimanin kuri'u, 41,071 yayin da abokin adawar sa na jam'iyyar PDP, ya samu kuri'u 40, 412.

Abdulmunin Jibrin

Sakamakon zabe daga karamar hukumar Garun Mallam

Kujerar shugaban kasa

APC: 23, 810

PDP: 4,861

Kujerar Sanata

APC: 18,412

PDP: 8,548

Majalisar Wakilai

APC: 18,029

PDP: 8,262

Sakamakon zabe daga karamar hukumar Tofa

Kujerar Shugaban kasa

APC: 19,984

PDP: 7,732

Kujerar Sanatan Kano ta Arewa

APC: 16,794

PDP: 10,746

SDP: 397

Kamar yadda Salihu Tanko Yakasai, hadimin gwamnan jihar Kano akan sabuwar hanyar sadarwar zamani ya bayyana s hafin sa na zauren sada zumunta, mun samu cewa, dan takarar kujerar majalisar wakilai na karamar hukumar Madobi, Hon. Kabiru Idris, ya lashe zaben sa.

Honarabul Kabiru na jam'iyyar APC ya lashe zaben sa da kimanin kuri'u 22,100 a matsayin wakilin kananan hukumomin Kura, Garun Mallam da kuma karamar hukumar Madobi da ta kasance mahaifa ga tsohon gwamnan jihar Kano, Sanata Rabi'u Kwankwaso.

Jigirya, Kawaji ward, Nasarawa LGA

Kujerar shugaban kasa

APC: 88

PDP: 14

Kujerar Sanata

APC: 76

PDP: 28

Majalisar Wakilai

APC: 69

PDP: 28

PU 017, Jigirya, Kawaji ward, Nasarawa LG

Kujerar shugaban kasa

APC:120

PDP: 22

Kujerar Sanata

APC: 8

PDP: 58

Majalisar Wakilai

APC: 78

PDP: 56

PU 019; Jigirya, Kawaji ward, Nasarawa LGA

Kujerar shugaban kasa

APC: 230

PDP: 39

Kujerar Sanata

APC: 165

PDP: 96

Majalisar Wakilai:

APC: 137

PDP: 47

Mazabar Kwankwaso a garin Madobi

PDP: 156

APC: 72

Jihar Adamawa

Dalla-Dalla yadda sakamakon zaben shugaban kasa tsakanin Buhari da Atiku ya kasance cikin kananan hukumomin jihar Adamawa

Karamar hukumar Hong

APC: 20,471

PDP: 23,039

Karamar hukumar Ganye

APC: 20,360

PDP: 17,770

Karamar hukumar Guyuk

APC: 10,825

PDP: 22,059

Karamar hukumar Lamurde

APC: 8,123

PDP: 21,404

Karamar hukumar Yola South

APC: 34,534

PDP: 20,414

Karamar hukumar Mubi South

APC: 19,361

PDP: 10,514

Karamar hukumar Mubi North

APC: 26,746

PDP: 23,156

Karamar hukumar Shelleng

APC: 13,531

PDP: 11,912

Karamar hukumar Girei

APC: 17,765

PDP: 14,673

Karamar hukumar Yola North

APC: 43,865

PDP: 27,789

Karamar hukumar Numan

APC: 10,610

PDP: 23,469

Karamar hukumar Demsa

APC: 6,989

PDP: 29,997

Karamar hukumar Mayo-Belwa

APC: 20,842

PDP: 23,734

Karamar hukumar Madagali

APC: 8,208

PDP: 14,594

Karamar hukumar Maiha

APC: 17,034

PDP: 7,916

Karamar hukumar Song

APC: 17,350

PDP: 22,648

Karamar hukumar Fufore

APC: 29,507

PDP: 16,430

Karamar hukumar Gombi

APC: 12,805

PDP: 18172

Karamar hukumar Jada

APC: 21,332

PDP: 22,877

Karamar hukumar Michika

APC: 10,669

PDP: 32,085

Karamar hukumar Toungo

APC: 7,145

PDP: 5,614

Jimillar sakamakon zaben jihar Adamawa yayin da nasara ta rinjaya zuwa Atiku

APC: 338,927

PDP: 349,690

Karamar hukumar Madagali

APC: 8,208

PDP: 14,594

Karamar hukumar Maiha

APC: 17,034

PDP: 7,916

Karamar hukumar Song

APC: 29,507

PDP: 16,430

Karamar hukumar Gombi

APC: 12,805

PDP: 18,172

Sakamakon Zabe: Buhari ya lashe zaben karamar hukumar Girei a jihar Adamawa

APC: 17,765

PDP: 14,673

Karamar hukumar Mubi ta Kudu

APC: 19,361

PDP: 10,514

Low Cost PU:016; Lokuwa ward, LG: Mubi North

Kujerar Shugaban kasa

PDP: 156

APC: 78

Ajiya ward (Mazabar Atiku)

APC: 186

PDP: 140

PU:10 Unguwar Mbamoi dake fadar Lamidon Adamawa

APC: 228

PDP: 138

Jihar Yobe

Dalla-Dalla yadda ta kasance a kananan hukumomin jihar Yobe tsakanin Buhari da Atiku

1. Bursari APC 22,253 PDP 2,555

2. Jakusko APC 34,424 PDP 3,390

3. Gulani APC 22,858 PDP 2,612

4. Bade APC 42,485 PDP 3,295

5. Nguru APC 36,433 PDP 5,352

6. Yunusari APC 23,837 PDP 939

7. Potiskum APC 62,101 PDP 4,331

8. Fune APC 43,948 PDP 5,707

9. Yusufari APC 22,157 PDP 3,567

10. Fika APC 42,488 PDP , 5522

11. Geidam APC 16,338 PDP 613

12. Tarmuwa APC 12,122 PDP 1,269

13. Damaturu APC 35,772 PDP 2,099

14. Machina APC 14,619 PDP 2,315

15. Karasuwa APC 22,377 PDP 3,692

16. Gujba APC 12,227 PDP 325

17. Nangere APC 31475 PDP 3180

Karamar hukumar Tarmuwa

APC: 12,122

PDP: 1,269

Karamar hukumar Damaturu

APC: 35,772

PDP: 2,099

Karamar hukumar Karasuwa

APC: 22,377

PDP: 3,692

Karamar hukumar Machina

APC: 14,619

PDP: 2,315

Zaben Kujerar shugaban kasa Karamar hukumar Gujba:

APC: 12,227

PDP: 325

PU: Sabon Layi Pri, School; Code: 012 B; LG: Potiskum RA: Bolewa B, Yobe South Senatorial District

Kujerar shugaban kasa

APC: 265

PDP: 12

Kujerar Sanata

APC: 155

PDP: 116

Majalisar Wakilai

APC: 171

PDP: 101

Sabon Layi Pri, School; Code: 012 A; LG: Potiskum RA: Bolewa B, Yobe South Senatorial District

Kujerar shugaban kasa

APC: 248

PDP: 3

Kujerar Sanata

APC: 152

PDP: 98

Majalisar Wakilai

APC: 179

PDP: 57

Jihar Borno

Sakamakon zaben kujerar shugaban kasa na karamar hukumar Mafa

APC: 50,851

PDP: 138

Zaben kujerar shugaban kasa daga karamar hukumar Magumeri

APC: 12,739

PDP: 694

PU 004, Bale Galtimari Jere

APC: 244

PDP: 32

PU 005, Bale Galtimari Jere

APC: 349

PDP: 35

PU 014, Waziri Babagana, Shehuri South Ward

APC: 200

PDP: 7

PU 023 Kukawa, Lamisula Ward

APC: 190https://hausa.legit.ng/1223861-sakamakon-zabe-daga-jihohin-kano-adamawa-yobe-da-borno.html

PDP: 21

Bakin Kasuwa, garin Shaffa, Hawul LGA

APC: 288

PDP: 3

Mandagirau, Biu LGA

APC: 2590

PDP: 154

Ku ci gaba da kasancewa a kan wannan shafi yayin da muka daura damarar kwararo muku yadda sakamakon zaben ke ci gaba da kasancewa a wannan jihohi biyar da muka wassafa.

Continue Reading

Kwace akwatin zabe: Sojoji sun sha alwashin bin umarnin Buhari su bindige mutum

Kwace akwatin zabe: Sojoji sun sha alwashin bin umarnin Buhari su bindige mutum

Rundunar Sojojin Najeriya ta tabbatar da cewa za ta bi Umarnin Shugaba Muhammadu Buhari, matsawar ya bada odar cewa duk wanda ya fizgi akwatin zabe, to a bindige shi kawai, jaridar Premium Times ta ruwaito.

Hukumar sojin sun yi wannan karin haske ne biyo bayan kakkausan furucin da Buhari ya yi a ranar Litinin, 18 ga watan Fabrairu cewa duk wanda ya saci akwatin zabe, to ya yi a ta bakin ran sa.

Wannan kalami na Shugaban kasar a janyo ce-ce-ku-ce , suka da kuma caccaka, duk da dai magoya bayan shugaban na ta kokarin kare dalilan sa na yin furucin.
Dokar zabe dai ta tanadi daurin shekaru biyu ga duk wanda aka kama ya saci akwatin da aka jefa wa kuri’a.

Shi kuma Buhari ya ce a harbe wanda ya saci akwati ya tsere kawai. Ya yi wannan kakkausan kalami ne a taron masu ruwa da tsaki na jam’iyyar APC jiya Litinin a Abuja.

A na su bangaren, sojojin Najeriya sun kara wa wannan tankiya zafi, yayin da Kakakin su Sagir Musa ya bayyana wa majiyarmu ta Premium imes cewa idan dai shugaban kasa wanda kuma shi ne Babban Kwamandan sojin Najeriya gaba daya, ya bayar da umarni ga sojoji, to babu tantama, ba tababa, kuma babu wani bata lokaci, aiwatarwa kawai za su yi.

A wani lamari makamancin haka, Legit.ng ta rahoto cewa d an takaran kujeran shugaban kasa a jam’iyyar Peoplea Democratic Party (PDP), Atiku Abubakar, a jiya Litinin, 18 ga watan Fabrairu yace shugaban kasa Muhammadu Buhari ya nuna “kalan shi tare da rashin girmama kundin tsari mulki”, ta hanyar furta cewa a bakin ran duk wanda yayi yunkurin sace akwatin zabe.

Atiku, a wani jawabin da yayi ta hannun kakinsa, Phrank Shaibu, yace barazana da mutuwa ga mutane a halin shirin gudanar da zabe “kalma ce dake hadda sa rikicin zabe”.

Atiku wanda ya nuna rashin amincewarsa akan shirin tura sojoji a zaben 2019, inda yake bayyana hakan a matsayin rashin dacewa ga damokardiyya, yayi Allah wadai da dabarun tsoratarwa da Gwamnatin Tarayya ke shiryawa.

Continue Reading

PDP ta shiga damuwa a kan kalaman Buhari na harbe duk wanda aka kama da satar akwatin zabe – Garba Shehu

PDP ta shiga damuwa a kan kalaman Buhari na harbe duk wanda aka kama da satar akwatin zabe – Garba Shehu

A yau, Talata, ne fadar shugaban kasa ta bayyana cewar jam’iyyar adawa ta PDP ta shiga halin damuwa bayan shugaban kasa Muhammdu Buhari ya umarci jami’an tsaro da kar su tausaya wa duk wanda ya yi yunkurin gudu wa da akwatin kuri’u a zabukan da za a gudanar cikin watan Fabarairu da Maris.

Fadar shugaban kasa ta ce kalaman shugaba Buhari gargadi ne ga ‘yan siyasar da su ka mayar da satar akwatun kuri’u ta hanyar amfani da ‘yan daba al’ada a lokutan zabe.

Da ya ke Magana da manema labarai a fadar shugaban kasa, babban mai taimaka wa shugaba Buhari a bangaren yada labarai, Garba Shehu, y aba boyayyen abu ba ne cewar wasu ‘yan siyasa na amfani da ‘yan ta’adda domin su sace akwatin kuri’u sannan su kashe ma su kada kuri’a ko kuma su raunata su.

Ya ce shugaba Buhari ya yi kalamin ne domin tabbatar da cewar ba a cutar da ma su kada kuri’a ba lokacin zabe tare da bayyana cewar ya kamata a jinjina wa Buhari bisa wannan gargadi ga ma su niyyar sace akwatin kuri’u a lokutan zabe


Kazalika, ya nuna rashin jin dadin sa bisa sukar Buhari a kan furucin da ya yi a kan ma su niyyar sace akwati, tare da nuna mamaki a kan dalilin damuwar su da kalaman na shugaban kasa.

A cewar Shehu, “ mambobin jam’iyyar adawa, musamman jam’iyyar PDP, ne ke sukar Buhari saboda sun gama shirya yadda za su yi magudin zabe ta hanyar satar akwatin kuri’u .

“ Sun fahimci cewar shugaba Buhari ba zai lamunci almundahanar da su ka saba da ita ba wannan karon. Sun nuna abinda su ke niyyar aikata wa, ” a cewar sa.
Shehu ya bayyana cewar duk wanda bashi da wata mummunar manufa a kan zabukan da za a gudanar, kalaman Buhari ba za su dame shi ba.

A cewar sa, “ kalaman Buhari ba za su tayar da hankalin duk mai son a yi zabe sahihi kuma mai tsafta ba. ”

Continue Reading

Babbar magana: An kama wasu mutane biyu yayinda suke shuka bam a babbar gadarnan ta Ebonyi

Babbar magana: An kama wasu mutane biyu yayinda suke shuka bam a  babbar gadarnan ta  Ebonyi

Rahotanni sun kawo cewa an kama wasu mutane biyu a jihar Ebonyi yayinda suke dana bam, a gadar Idembia da ke karamar hukumar Ezza South na jihar.

Gwamna David Umahi ya bayyana hakan a wani jawabi na musamman kan lamarin tsaro ga mutanen jihar a ranar Juma’a, 15 ga watan Fabrairu.

Yace kamun ya biyo bayan rahotannin kwararru cewa wasu mambobi na wata jam’iyyar siyasa na shirin dana bam a kan gadar da wasu wurare a jihar.
Yace wasu mazauna kauyen da ke kusa da gadar wanda ya sada Ezza South da karamar hukumar Ohaozara ne suka kama mutanen biyu.

Gwamnan ya kuma bayyana cewa dan takarar kiujerar majalisar dokokin kasa na wata jam’iyyar siyasa, yan kwanaki da suka shige ya je wani waje a jihar domin siyan bama-bamai amma masu aiki a wajen suka ki amsa bukatunsa inda suka sanar da gwamnatin jihar

A wani lamari na daban, mun ji cewa kalla mutane 66 ne aka kashe a wasu unguwani da ke kusa da kauyen Maro Gida da ke karamar hukumar Kajuru na jihar Kaduna a wani hari da aka kai a daren jiya.

Cikin wadanda aka kashe akwai yara 22 da kuma mata 12 yayin jami'an tsaro sun ceto rayyukan wasu mutane hudu da suka jikkata kuma suna nan suka karbar magani a asibiti.

Rugagen da aka kai harin sun hada da Ruga Bahago, Ruga Daku, Ruga Ori, Ruga Haruna, Ruga Yukka Abubakar, Ruga Duni Kadiri, Ruga Shewuka and Ruga Shuaibu Yau.

Continue Reading

Tofa! INEC za ta yi amfani da jakuna da kekuna wajen raba kayan zabe a Gombe

Hukumar Zabe Mai Zaman Kanta INEC za ta dauki hayan jakuna da kekunan hawa domin amfani da su wurin rabar da kayayakin zabe a wuraren da ke ta wahalar zuwa a wasu sassan jihar Gombe.

Sanarwar ta fito ne daga bakin Kwamishinan zabe na jihar, Alhaji Umar Ibrahim a wata hira da ya yi da manema labarai a garin Gombe a ranar Juma'a.
Ibrahim ya ce wuraren da ke da wahalar zuwa a suna kauyuka ne da ke kananan hukumomin Yamaltu-Deba da Shingom duk a jihar ta Gombe.

"Za mu dauki hayan jakuna da kekunan hawa da babura domin rabar da kayayakin zabe

"Hakan ya zama dole ne saboda rashin hanyoyin mota shiyasa INEC tayi tanadi da shirye-shiryen yadda za a isar da kayayakin zabe zuwa wuraren," inji shi.

Ibrahim ya ce hukumar tayi tanadi da ya dace a fanin samar da tsaro kuma ta wayar da kan masu kada kuri'a.
Ya kuma ce anyi tanadin takardun kada kuri'a na brail da makafi za suyi amfani dashi kuma kutare suna iya amfani da kafarsu domin dangwala zaben.

Har ila yau, Ibrahim ya kuma ce hukumar zaben tayi tanadin gilashi mai kara girman abubuwa ga wadanda ke fama da ciwon ido saboda su kada kuri'an cikin sauki.

Kamfanin dillancin labarai na kasa NAN ta ruwaito cewa kwamishinan zaben ya ce hukumar ta tanadi na'urar da za tayi amfani da shi domin ganin yadda zaben ke tafiya tare da kuma samar da mutane masu sanya ido a kan zabe.

Continue Reading